தாஜ்மகாலுக்கு பரந்த சிவகார்த்திகேயன். எல்லாம் ரொமான்ஸ் தான் காரணமா?

தொலைக்காட்சியில் அறிமுகமாகி சினிமாவில் ஜொலிப்பவர்கள் வெகு சிலர் தான். அதில் பலருக்கும் முன்னோடியாக இருப்பவர் சிவ கார்த்திகேயன். தொலைக்காட்சியில் இருக்கும்போதே இவர் தனது திறமைகளை பன்மடங்கு வளர்ந்துகொண்டவர். காமெடி முதல் டான்ஸ் வரை அனைத்திலும் இவர் பட்டையை கிளப்பினார்.

அதன் பலனாக அவருக்கு சினிமா வாய்ப்புகள் வர துவங்கின. அடுத்தடுத்து அவர் நடித்த படங்களும் நல்ல ஒரு வரவேற்பை பெற்றது. இவர் நடித்த படங்களில் காமெடியை மையமாக வைத்து நடித்த படங்கள் எல்லாம் சூப்பர் ஹிட் ஆனது. அதனை தொடர்ந்து, சிவாவிற்கு காமெடியை தவிர வேறெதுவும் வராது போன்ற கருத்துக்கள் சில சமூக வலைத்தளங்களில் பரவின.

அந்த கருத்துக்களை பொய்யாக்கும் முயற்சியில் இறங்கிய சிவா, வேலைக்காரன், ஹீரோ போன்ற படங்களில் நடித்தார். அவருடைய நடிப்பு அந்த படங்களில் பேசப்பட்டாலும் வியாபார ரீதியாக அந்த படங்கள் நல்ல வரவேற்பை பெறவில்லை.

இந்த நிலையில் அண்ணன், தங்கை சென்டிமென்டை மையமாக வைத்து, “நம்ப வீட்டு பிள்ளை” என்ற படத்தில் நடித்தார் சிவகார்த்திகேயன். அந்த படம் வியாபார ரீதியாக நல்ல ஒரு படமாக அமைந்தது. நடிப்பது மட்டும் அல்லாமல், பாடல் பாடுவது, திரைப்படம் தயாரிப்பது போன்ற பணிகளிலும் அவர் ஈடுபட்டு வருகிறார்.

தற்போது சிவகார்த்திகேயன் நடித்துக்கொண்டிருக்கும் படம் “டான்” சிபி சக்கரவர்த்தி இயக்கத்தில் தயாராகும் இந்த படத்தை லைக்கா நிறுவனம் தயாரிக்கிறது. சிவகார்த்தியேனும் இந்த படத்தின் கோ ப்ரொடியூசாறாக உள்ளார். பிரியங்கா மோகன், சூரி, எஸ்.ஜே சூர்யா உள்ளிட்ட பலர் இதில் நடித்து வருகின்றனர்.

சமீபத்தில், சிவகார்த்திகேயன் மற்றும் அந்த படத்தின் ஹீரோயின் பிரியங்கா மோகன் உள்ளிட்டோர் தாஜ்மகால் முன்பு நிற்பது போன்ற சில புகைப்படங்களை அந்த படக்குழுவினர் பகிர்ந்துள்ளனர். அங்கு ஒரு காதல் பாடலோ அல்லது ரொமான்ஸ் காட்சியோ படமாக்கப்படலாம் என்று ரசிகர்கள் பலர் தங்கள் கருத்துக்களை தெரிவித்து வருகின்றனர்.