பிக் பாஸ் அல்டிமேட்டில் ஓவியா பங்கேற்காததன் காரணம் என்ன? யார் அந்த 16வது போட்டியாளர்?

தமிழக பிரபல நடிகைகளில் ஒருவர் ஓவியா. இவரின் இயற்பெயர் ஓவியா நெல்சன் தமிழ், தெலுங்கு, மலையாளம், போன்ற தென்னிந்திய படங்களில் நடித்து வருகிறார்.  களவாணி படத்தின் மூலம் தமிழ் சினிமாவுக்கு அறிமுகமாகி கிராமத்து பெண்ணை போன்ற கதாபாத்திரத்தில் நடித்து ரசிகர்களை கவர்ந்து வந்தார்.

பிறகு களவாணி 2 போன்ற படங்களில் நடித்து தமிழ் சினிமாவில் முன்னணி நடிகையாகத் திகழ்தார். விஜய் டிவியில் ஒளிபரப்பாகி கொண்டிருந்த பிக் பாஸ் சீசன் 1 இல் பங்குபெற்று தன்னை இன்னும் பிரபலம் ஆக்கிக்கொண்டார்.பிறகு அவர் பிக் பாஸ் நிகழ்ச்சியில் இருந்து விலகி சிறிது நாட்கள் படம் நடிப்பதில் பிஸியாக இருந்தார்.

தற்போது  ஒளிபரப்பாகிக்கொண்டிருக்கும்  பிக் பாஸ் அல்டிமேட், 24 மணி நேரமும் ஒளிபரப்பாகும் நிகழ்ச்சியாகவும், ஏற்கனவே பங்குபெற்ற போட்டியாளர்களை கொண்டு புதிய பொலிவுடன் துவங்கப்பட்டுள்ளது.

இந்த நிலையில் ஓவியாவும் பிக் பாஸ் அல்டிமேட்டிற்கு வருவார் என்று வெளிவந்த தகவலையொட்டி ரசிகர்கள் மகிழ்ச்சியாக இருந்த நேரத்தில் அவர் வரவில்லை. இதனால் அவருடைய ரசிகர்கள் மன ஏமாற்றமடைந்தனர்.

பிக் பாஸ் அல்டிமேட் போட்டியாளர்கள் அனைவருக்கும் ஏற்கனவே கொரோனா பரிசோதனை செய்யப்பட்டு அவர்கள் தனிமையில் இருந்தனர். ஆனால் கடைசி நேரத்தி ஓவியாவிற்கு எப்படியோ கொரோனா தொற்று ஏற்படவே அவர் உரிய நேரத்தில் போட்டியில் பங்குபெற முடியவில்லை என்று தகவல்கள் வெளியாகி உள்ளது.

16 போட்டியாளர்கள் கொண்ட ஒரு போட்டியாக பிக் பாஸ் அல்டிமேட் இருக்கும் என்று ஏற்கனவே அறிவிக்கப்பட்ட நிலையில், தற்போது 15 போட்டியாளர்களை மட்டுமே கொண்டு நிகழ்ச்சி துவங்கப்பட்டுள்ளது. இந்த நிலையில் 16வது போட்டியாளராக ஓவியாவே வருவாரா இல்லை வேறு யாரவது வருவார்களா என்ற எதிர்பார்ப்பு இப்போது எழுந்துள்ளது.