அடேங்கப்பா இவருடன் இவரா? உலக நாயகனுடன் கைகோர்க்கும் வெற்றி இயக்குனர். இக் கூட்டணி வெற்றிக் கூட்டணி ஆகுமா ?

சமீப காலமாக உலக நாயகனின் பெயர் பல இடங்களில் அடி பட்டு வருகின்றது. மக்கள் நீதி மையம் என்று தனக்கென ஒரு தனிக் கட்சியை உருவாக்கி நடத்தி வந்த திரு உலக நாயகன் கமல்ஹாசன் அவர்களுக்கு இந்தத் தேர்தல் தோல்வியை தந்தது. மேலும் கட்சியின் பிரதிநிதிகள் பல்வேறு காரணங்களால் கட்சியை விட்டு விலகவும் செய்தனர். இருந்தாலும் கலங்காத திரு கமல்ஹாசன் அவர்கள் தன் பணியை செவ்வனே செய்து கொண்டு வருகிறார். கட்சி பணிகள் ஒருபுறம் இருக்க கமலஹாசன் அவர்கள் விஜய் டிவியில் ஒளிபரப்பாகி கொண்டிருக்கும் பிக் பாஸ் என்ற நிகழ்ச்சியையும் தொகுத்து வழங்குபவராக இருக்கிறார்.

கடந்த நான்கு சீசன் களும் கமலஹாசன் அவர்களே தொகுப்பாளராக இருந்தார். இதனாலேயே இந்த நிகழ்ச்சிக்கு பெரிய அளவில் வரவேற்பு கிடைத்தது. இந்த நிகழ்ச்சிக்காக கமல்ஹாசன் ஒரு பெரிய தொகையை சம்பளமாக பெறுகிறார். இதுவும் அடிக்கடி மக்களிடையே கிசுகிசுக்கப்பட்டு வருகிறது. என்ன இருந்தாலும் ஒரே கல்லில் இரண்டு மாங்காவாக தனது கட்சிக்கு சின்னத்திரையின் வாயிலாக விளம்பரம் செய்து கொண்டு அதே சமயத்தில் தனது வேலையும் செய்து வருகிறார் கமல்ஹாசன்.

இந்நிலையில் கமல்ஹாசன் அவர்கள் இயக்குனர் லோகேஷ் அவர்களுடன் விக்ரம் பட படிப்பில் மிகவும் பிஸியாக இருக்கிறார். இயக்குனர் லோகேஷ் வளர்ந்துவரும் வெற்றி இயக்குனர்களில் ஒருவர் ஆவார். அடுத்தடுத்து வெற்றி படங்களை கொடுத்து வரும் லோகேஷ் அவர்களுக்கு ஜாக்பாட் அடித்தது போல் உலக நாயகன் கமல்ஹாசனுடன் கைகோர்க்கும் வாய்ப்பு கிடைத்தது. வாய்ப்பை நன்கு தக்கவைத்துக் கொண்ட லோகேஷ் இப்படத்திற்கான படப்பிடிப்பு வேலையை முழுமையாக மேற்கொண்டு வருகிறார்.மேலும் இப்படம் சீரியஸ் கலந்த திரில்லர் படமாக இருக்கும் என்று படக் குழுவின் மூலம் வெளியிட்ட டீசரை பார்த்த ரசிகர்கள் தெரிவித்து வருகின்றனர்.

அதோடு மட்டுமல்லாமல் தற்போது கமல்ஹாசன் பற்றி பெரிய பிரேக்கிங் நியூஸ் ஒன்று வெளியாகியுள்ளது. அது என்னவென்றால் உலகநாயகன் கமல் ஹாசனுடன் கைகோர்க்கிறார் அசுரன் பட இயக்குனர் வெற்றிமாறன் என்பதுதான் தான். தனது எதார்த்தமான இயக்கத்தின் மூலம் பல வெற்றிகளை கொடுத்த திரு வெற்றிமாறன் அவர்கள் கமல் ஹாசனுடன் ஒரு புதிய படத்தில் ஒப்பந்தமாகியுள்ளார் என்ற புதிய தகவல் கோலிவுட் வட்டாரத்தில் பரபரப்பாக பேசப்பட்டு வருகிறது.

மேலும் இக்கூட்டணி ஒரு பிரமாண்ட கூட்டணியாக இருக்கும் என்றும் நம்பப்படுகிறது.வெற்றிமாறன் தன் கதையை முன்னிலைப்படுத்தி படம் எடுப்பவர் என்று அனைவருக்கும் தெரிந்ததே. மேலும் இக் கூட்டணியின் வெற்றியை காண்பதற்காக ரசிகர்கள் அனைவரும் மிகுந்த ஆர்வத்துடன் எதிர்பார்த்துக் கொண்டிருக்கிறார்கள். படத்திற்கான வேலைகள் துவங்கிவிட்டாலே இவர்களின் வெற்றியைப் பற்றி படம் ரிலீசாவதறக்கு முன்பே நம்மால் யூகித்துவிட முடியும். இன்றைய சூழலில் தனுஷ் வெற்றிமாறன் கூட்டணி சிறந்த கூட்டணியாக இருக்கும் பட்சத்தில்.. அதை முறியடிக்குமா கமல்ஹாசனும் வெற்றிமாறனும் சேர்ந்திருக்கும் இந்த புதிய கூட்டணி என்ற கேள்விகளை ரசிகர்கள் ஆர்வமாக பதிவிட்டு வருகின்றனர்.