நடிகர் கமல்ஹாசன் தொகுத்து வழங்கும் நிகழ்ச்சியான பிக் பாஸ் சின்னத்திரையில் பெரும் வரவேற்பை பெற்று வருகிறது. காமெடி, கலட்டா, சண்டை, சர்ச்சை, அதிரடி திருப்பங்களுக்கு பிக்பாஸ் நிகழ்ச்சி பெயர் போனது.
நூறுநாள் நடைப்பெறும் இந்த நிகழ்ச்சியை பார்பதற்கென தனி ரசிகர் வட்டம் உள்ளது. தற்போது பிக் பாஸ் சீசன் 5 ஒளிப்பரப்பாகி வருகிறது. இந்த சீசன் இறுதி கட்டத்தை எட்டியுள்ளது. வழக்கம்போல் இறுதி கட்டம் என்பதால் பரபரப்பு பஞ்சம் இல்லாமல் கடந்த சில நாள்களாக நிகழ்ச்சி ஒளிப்பரப்பு செய்யப்பட்டு வருகிறது.
இந்நிலையில், பிக் பாஸ் சீசன் 5-இல் ரசிகர்கள் மத்தியில் நற்பெயரை பெற்ற போட்டியாளர் நிரூப், இறுதிப்போட்டியில் ஐந்தாவது இடத்தைப்பிடித்து பிக் பாஸ் வீட்டிலிருந்து வெளியேறியுள்ளதாக தகவல்கள் தெரிவிக்கின்றன.
பிக்பாஸ் சீசன் 5வின் ஃபைனல் நிகழ்ச்சி நாளை (ஜனவரி 16) மாலை 6 மணி முதல் ஒளிப்பரப்பாகிறது. அதன் படப்பிடிப்பு இன்றே (ஜனவரி 15) சென்னையில் பிரமாண்டமான முறையில் நடைப்பெற்று வருகிறது. பிக் பாஸ் பைனலுக்கு ராஜூ, பிரியங்கா, பவ்னி, அமீர் முன்னேறி உள்ளதாக தகவல்கள் தற்போது கிடைத்துள்ளது.