தமிழ் சினிமாவில் முன்னணி நடிகர்களில் முக்கியமானவர் விஜய். இவருக்கு ரசிகர் பட்டாளம் ஏராளம். இவருக்கு தமிழ் ரசிகர்கள் மட்டுமல்லாது மலையாளம் போன்ற பிற மொழி பேசும் ரசிகர்கள் அதிகமாக உள்ளனர்.
விஜய் தற்போது நெல்சன் இயக்கத்தில் உருவாகி வரும் ‘பீஸ்ட்’ படத்தில் நடித்து வருகிறார். இதில் விஜய்க்கு ஜோடியாக பூஜா ஹெக்டே நடிக்கிறார். சன் பிக்சர்ஸ் தயாரிக்கும் இப்படத்தை அனிருத் இசையமைக்கிறார். ஏப்ரலில் இப்படத்தை வெளியிட படக்குழு முடிவு செய்துள்ளது. விரைவில் ‘பீஸ்ட்’ ஃபர்ஸ்ட் சிங்கிள் வெளியாகவுள்ளது.
புத்தாண்டுக்கு வாழ்த்து தெரிவிக்கும் விதமாக போஸ்டர் ஒன்றை வெளியிட்ட ‘பீஸ்ட்’ படக்குழு ஏப்ரல் 2022-இல் படம் வெளியாகும் என தெரிவித்திருந்தது. இந்நிலையில் பீஸ்ட் ஏப்ரல் 14ஆம் தேதி வெளியாகும் என்ற செய்தி சமூகவலைதளத்தில் வைரலாக பரவி வருகிறது.
‘பீஸ்ட்’ படத்தை தொடர்ந்து விஜய் வம்சி இயக்கும் புதியப்படத்தில் நடிக்கவுள்ளார். இப்படம் தெலுங்கு, தமிழ் ஆகிய மொழிகளில் வெளியாகவுள்ளது. விஜய் முதன் முதலாக பிற மொழி படத்தில் நடிப்பது இது முதல் முறை என்பது குறிப்பிடத்தக்கது.