அஜித் படத்துக்கு வந்த கூட்டத்தை பார்த்து மிரண்டு போன விஜய்.. அது எந்தப் படம்னு தெரியுமா?

அஜித் – விஜய், தமிழ் சினிமாவில் செல்லமாக தல – தளபதி என ரசிகர்கள் அழைப்பர். சமீபத்தில் அஜித் கூட தன்னை யாரும தல என அழைக்க வேண்டாம் என கூறினார். இவர்கள் இருவருக்கும் ரசிகர்கள் ஏரளாமாக உள்ளனர்.

விஜய் – அஜித் 1995ஆம் ஆண்டு வெளியான ‘ராஜாவின் பார்வையிலே’ என்னும் படத்தில் ஒன்றாக இணைந்து நடித்திருந்தனர். அதன் பின் இருவரும் இணைந்து நடிக்கவில்லை. படத்தில் இருவரும் இணைந்து நடிக்கவில்லையென்றாலும் கூடஇருவரும் பல முறை தங்களது படங்களின் மூலம் மோதி உள்ளனர்.

அஜித், விஜய் படங்கள் வெளியாகிறது என்றால் அது தமிழ்நாடு முழுவதும் விழா கோலம் போன்று இருக்கும் இந்த நிலையில், 2001ஆம் ஆண்டு ஜனவரி 14ஆம் தேதி விஜய்யின் ‘ப்ரண்ட்ஸ்’, அஜித்தின் ‘தீனா’ இருபடங்களும் ஒன்றாக வெளியானது.

‘ப்ரண்ட்ஸ்’ மலையாளத்தில் ஹிட் அடித்த படத்தின் தமிழ் ரீமேக் ஆகும். இப்படத்தை மலையாளத்திலும் தமிழிலும் சித்திக் இயக்கினார். ‘தீனா’ இயக்குநர் ஏ.ஆர். முருகதாஸூக்கும் யுவன் சங்கர் ராஜாவுக்கும் முதல் படமாகும். ‘தீனா’ அஜித்துக்கு நல்ல பெயரை வாங்கி கொடுத்தது.

‘தீனா’ வெளியான முதல் வாரம் திரையரங்கு முழுவதும் ஹவுஸ்ஃபுல் காட்சியாக ஒடியது. ‘ப்ரண்ட்ஸ்’ போதிய கூட்டம் இல்லாமல் இருந்தது. இதைப்பார்த்த விஜய், தயாரிப்பாளர் அப்பச்சன் சோகத்தில் இருந்தனர். அப்போது விஜய் முதல் வாரத்தை விட்டுதள்ளுங்கள், இரண்டாவது வாரம் நமது படம் நன்றாக ஓடி ஹிட் அடிக்கும் என்றார். அதே போன்று இரண்டாவது வாரம் ‘ப்ரண்ட்ஸ்’ வெற்றிகரமாக ஓடி ஹிட் கொடுத்தது.