பொங்கலை அலறவைத்த ‘அண்ணாத்த’.. ஆனாலும் இந்த படத்து சாதனையை முறியடிக்காம பேச்சே!

அஜித்தின் ‘விஸ்வாசம்’ படத்தை தொடர்ந்து சிறுத்தை சிவா ரஜினியை வைத்து இயக்கிய படம் ‘அண்ணாத்த’. இதில் ரஜினியுடன் நயன்தாரா, கீர்த்தி சுரேஷ், குஷ்பு, மீனா, சூரி, சதீஷ் என மிகப்பெரிய நட்சத்திர பட்டாளங்களே இணைந்து நடித்தது. தீபாவளி கொண்டாட்டமாக திரையில் வெளியான அண்ணாத்த ரூ.100 கோடிக்கும் மேல் வசூலித்தது. சன் பிக்சர்ஸ் தயாரித்த இப்படத்திற்கு இமான் இசையமைத்திருந்தார்.

அண்ணன் – தங்கை பாசத்தை அடிப்படையாக கொண்டு உருவான ‘அண்ணாத்த’ ரசிகர்களிடையே கலவையான விமர்சனங்களை பெற்றது. மறைந்த பின்னணி பாடகர் எஸ்.பி. பாலசுப்பிரமணியம், இப்படத்தில் ரஜினிக்கு தனது இறுதி பாடலை பாடினார்.

திரையரங்கில் 2021ஆம் ஆண்டு தீபாளிக்கு வெளியான ‘அண்ணாத்த’, 2022 பொங்கலுக்கு பிரபல தொலைக்காட்சி சேனலில் ஒளிப்பரப்பானது. பொங்கல் பண்டிகை கொண்டாட்டமாக சின்னத்திரையில் பல புதுப்படங்கள் ஒளிப்பரப்பானது. இந்த ரேஸில் ‘அண்ணாத்த’ முதலிடத்தை பிடித்துள்ளதாக தெரியவந்துள்ளது.

ரஜினியின் ‘அண்ணாத்த’ டிஆர்பி ரேட்டிங்கில் 17.37 மில்லியன் பார்வையாளர்கள் கண்டுகளித்துள்ளதாக தெரியவந்துள்ளது. இது தற்போது சமூகவலைதளங்களில் வைரலாகி வருகிறது. முன்னதாக சிறுத்தை சிவா இயக்கத்தில் அஜித் நடிப்பில் வெளியான ‘விஸ்வாசம்’ திரைப்படம் சின்னத்திரையில் ஒளிப்பரப்பான போது 18.01 மில்லியன் பேர் பார்த்த படம் என டிஆர்பி ரேட்டிங்கில் முதலிடத்தை நீண்ட நாள்களாக தக்கவைத்தது குறிப்பிடத்தக்கது.