பிக் பாஸ் சீசன் ஒன்று மூலம் மக்கள் மத்தியில் பிரபலம் ஆனார் நடிகை ஓவியா. இவர் பிக் பாஸ் வீட்டில் இருந்து பாதியிலேயே வெளியேறிவிட்டார். அந்த சமயத்தில் ஏகப்பட்ட ரசிகர்களை கொண்ட ஓவியா, பல்வேறு திரைப்படங்களில் நடிப்பார் என்று எதிர்பார்க்கப்பட்டது. ஆனால் அவர் ஓர் இரு படங்களை தவறிய பெரிதாக எதிலும் நடிக்கவில்லை.
இந்த நிலையில் ஓவியா, காமெடி நடிகர் யோகி பாபுவோடு இனைந்து “காண்ட்ராக்டர் நேசமணி” என்னும் படத்தில் நடிக்க உள்ளார். இந்த படத்தில் டிக் டாக் புகழ் ஜி.பி முத்துவும் உள்ளார். இந்த படத்தை ஸ்வதீஷ் இயக்குகிறார். தர்மம் பிரகாஷ் மற்றும் சுபாஷ் தண்டபாணி இதற்க்கு இசை அமைக்க உள்ளனர்.
காண்ட்ராக்டர் நேசமணி என்ற பெயர் சமீபத்தில் உலகப்புகழ் பெற்ற பெயராக மாறியது. வடிவேலு நடித்த பிரண்ட்ஸ் படத்தில் வரும் கதாபாத்திரத்தின் பெயர் தான் இது. சுத்தியல் என்ற வார்த்தையால் இது உலகம் முழுக்க ட்ரெண்டானது குறிப்பிட தக்கது.
ஜி.பி முத்துவை பொறுத்தவரை ஏற்கனவே சன்னி லியோன் படத்தில் அவர் ஒரு கதாபாத்திரத்தில் நடிக்க உள்ளார் என்ற செய்தி வெளியான நிலையில் தற்போது அவர் காண்ட்ராக்டர் நேசமணி படத்தில் நடிப்பதும் உறுதியாகி உள்ளது. இந்த படத்துக்கான பூஜை இன்று(செப் 24) தான் போடப்பட்டது.
இந்த படத்துக்கான பர்ஸ்ட் லுக் போஸ்டரும் வெளியாகி உள்ளது. பிரபல இனைய தொடரான மணி ஹேய்ஸ்ட் மற்றும் ஸ்பைடர் மேன் திரைப்படத்தின் முகங்களை கொண்டு பர்ஸ்ட் லுக் போஸ்டர் வடிவமைக்க பட்டுள்ளது. இதை திரை பிரபலங்கள் பலர் தங்கள் சமூக வலைதள பக்கங்களில் பகிர்ந்து வருகின்றனர்.