தமிழ் சினிமா மட்டுமல்லாது இந்தியளவில் பிரம்மாண்ட இயக்குநர் என பெயர் எடுத்தவர் ஷங்கர். அதிக பொருள் செலவில் எடுக்கும் இவரது படங்கள், தொழில்நுட்பங்கள் திரையில் ரசிகர்களை வெகுவாக கவர்ந்துவிடுகின்றன. அதுமட்டுமல்லாது வசூலிலும் சாதனை படைக்கிறது.
ஷங்கர் இப்படி பிரம்மாண்டத்தை வைத்து ரசிகர்களை தன்பக்கம் இழுத்தால், அவரது மகள் அதிதி ஷங்கர் அழகால் ரசிகர்களை தன் பக்கம் ஈர்த்து வருகிறார். அதிதி ஷங்கர் கார்த்தி நடிப்பில் உருவாகி வரும் ‘விருமன்’ படத்தில் நடிகையாக அறிமுகமாகிறார்.
இப்படம் முழுக்க முழுக்க கிராமத்து பின்னணியை கொண்டிருப்பதால் அதிதி இதில் முழு கிராமத்து பெண்ணாகவே மாறியுள்ளார். ‘விருமன்’ படத்தின் படப்பிடிப்பு முடிவடைந்து இறுதிக்கட்ட பணிகளில் உள்ளது. விரைவில் இப்படம் திரைக்கு வரவுள்ளது. படத்தில் அதிதி, நன்றாக நடித்திருப்பதாக படக்குழுவினர் பாராட்டியுள்ளனர்.
சினிமாவில் நடிகையாக அறிமுகமாவதற்கு முன்பே அதிதி டாக்டராக மாறியுள்ளார். ஆம், சமீபத்தில் அதிதி தனது டாக்டர் படிப்பை முடித்துள்ளார். இந்நிலையில், சமூகவலைதளங்களில் ஆக்டிவாக இருக்கும் அதிதி, அவ்வப்போது புகைப்படங்களை பகிர்ந்து வருகிறார். அப்படி சமீபத்தில் அவர் வெளியிட்ட புகைப்படங்கள் சமூகவலைதளங்களில் வைரலாக பரவிவருகிறது.
ஷங்கரின் மூத்த மகள் ஐஸ்வர்யா புதுச்சேரி கிரிக்கெட் அணியின் கேப்டன் ரோஹித்தை திருமணம் செய்துக்கொண்டார். இந்த திருமணத்திற்கு தமிழ்நாடு முதலமைச்சர் ஸ்டாலின் நேரில் சென்று மணமக்களை வாழ்த்தினார். ரோஹித் சமீபத்தில் பாலியல் புகாரில் சிக்கியது குறிப்பிடத்தக்கது