ஆளே அடையாளம் தெரியாமல் மாறிப்போன பிரபல காமெடி நடிகர். இரண்டு வருடத்தில் இப்படி ஒரு மாற்றமா?

சின்னத்திரையில் இருந்து தமிழ் சினிமாவில் நகைச்சுவை நடிகராக அறிமுகமானவர் பாலசரவணன். சசிகுமார் நடிப்பில் வெளியான ‘குட்டிபுலி’ படத்தின் மூலம் பாலசரவணன் தமிழ் சினிமாவில் தனது திரைப்பயணத்தை தொடர்ந்தார்.

‘குட்டிபுலி’ படத்தை தொடர்ந்து பாலசரவணன் ‘திருடன் போலீஸ்’, ‘டார்லிங்’, ‘வேதாளம்’ உள்ளிட்ட பல படங்களில் தொடர்ந்து நகைச்சுவை நடிகராக நடித்துள்ளார். தற்போது கூட சிவகார்த்திகேயன் நடிப்பில் உருவாகிவரும் ‘டான்’ திரைப்படத்தில் முக்கிய கதாபாத்திரத்தில் பாலசரவணன் நடித்து வருகிறார்.

இந்நிலையில் பாலசரவணன் கடந்த இரண்டு ஆண்டுகளுக்கு எடுத்த புகைப்படத்தையும் தற்போது எடுத்த புகைப்படத்தையும் தனது சமூகவலைதளப்பக்கத்தில் பதிவிட்டுள்ளார். அதில், 2020ஆம் ஆண்டு டிசம்பர் மாதம் டயட்டிங் தொடங்கி 2021ஆம் ஆண்டு மார்ச் மாதம் 22 கிலோ குறைந்துள்ளேன் மித்ரன் ப்ரோ நன்றி. மகிழ்ச்சி என பதிவிட்டுள்ளார்.

பாலசரவணன் இந்தப்புகைப்படம் தற்போது சமூகவலைதளத்தில் வைரலாகி வருகிறது. நெட்டிசன்கள் பலர் இப்புகைப்படத்தை பார்த்து வாழ்த்துகளை தெரிவித்து வருகின்றனர்.