நடிகர் கமல்ஹாசன் தொகுத்து வழங்கும் நிகழ்ச்சியான பிக் பாஸ் சின்னத்திரையில் பெரும் வரவேற்பை பெற்று வருகிறது. காமெடி, கலட்டா, சண்டை, சர்ச்சை, அதிரடி திருப்பங்களுக்கு பிக் பாஸ் நிகழ்ச்சி பெயர் போனது.
நூறுநாள் நடைப்பெறும் இந்த நிகழ்ச்சியை பார்பதற்கென தனி ரசிகர் வட்டம் உள்ளது. தற்போது பிக் பாஸ் சீசன் 5 ஒளிப்பரப்பாகி வருகிறது. இந்த சீசன் இறுதி கட்டத்தை எட்டியுள்ளது. வழக்கம்போல் இறுதி கட்டம் என்பதால் பரபரப்பு பஞ்சம் இல்லாமல் கடந்த சில நாள்களாக நிகழ்ச்சி ஒளிப்பரப்பு செய்யப்பட்டு வருகிறது.
இந்நிலையில், பிக் பாஸ் சீசன் 5 இறுதிப்போட்டி நாளை (ஜனவரி 16) நடைப்பெறுகிறது. அதுமட்டுமல்லாது ரசிகர்களின் மனம் கவர்ந்த நிரூப் பிக் பாஸ் வீட்டிலிருந்து வெளியேறியதாக தகவல்கள் தெரிவிக்கின்றன. இதனால் இறுதிப்போட்டியாளர் பட்டியலில் ஒருவர் குறைந்துள்ளார்.
பிக் பாஸ் இறுதிப்போட்டியாளர்களின் பட்டியலில், ராஜூ, பிரியங்கா, பாவ்னி, அமீர் ஆகியோர் இடம் பெற்றுள்ளனர், இதில் ராஜூ மற்ற போட்டியாளர்களை விட பல லட்சம் வாக்கு வித்தியாசத்தில் முதலிடத்தில் இருப்பதாக தெரியவந்துள்ளது. இதனால் ராஜூ பிக் பாஸ் டைட்டில் வின்னராக வருவார் என ரசிகர்கள் எதிர்பார்கின்றனர்.