தமிழ் திரை ரசிகர்களால் செல்லமாக ‘தல’ என அழைக்கப்படுபவர் நடிகர் அஜித் குமார், வயது 51. தமிழ் திரை உலகின் முன்னனி ஸ்டார் நடிகராகவும், அதிகம் சம்பளம் வாங்கும் நடிகர்களில் ஒருவராகவும் விழங்கும் நடிகர் அஜித்திற்கு ரசிகர் பட்டாளம் ரொம்ப அதிகம் தான்.
பைக் ஓட்டுவதில் மிகுந்த ஆர்வம் கொண்ட நடிகர் அஜித் குமார், அவ்வப்போது தன் சூப்பர் பைக்கில் லாங் டிரைவ் செல்வதை வாடிக்கையாக கொண்டுள்ளார். இவருடைய பைக் லாங் டிரைவ் புகைப்படங்கள் பல சமூக வலைதள பக்கங்களில் வைரலாகி வருவது குறிப்பிடதக்கது.
தற்போது நடிகர் அஜித் குமார் இயக்குநர் H.வினோத் இயக்கும் புதிய படத்தில் நடித்து வருகிறார். பெயர் சூட்டப்படாத இந்த படத்தை AK61 என்று அழைத்து வருகிறார்கள். இந்த படத்தில் நடிகர் அஜித் குமாருக்கு ஜோடியாக பிரபல நடிகை மஞ்சு வாரியர், வயது 43, நாகர்கோவிலில் பிறந்து கேரள மாநிலம் திரிச்சூரில் வளர்ந்த நடிகை, மற்றும் பின்னனி பாடகி, ஜோடியாக நடித்து வருகிறார்.
இந்த படத்தின் மூலமாக இயக்குநர் H வினோத் நடிகர் அஜித் குமாரை தொடர்ந்து 3வது முறையாக இயக்குகிறார்.இந்த படத்தை பிரபல ஹிந்தி இயக்குநர் மற்றும் தயாரிப்பாளர் போனி கபூர் தயாரித்து வருகிறார். முழுமையான ஆக்ஷன் பிலாக் படமாக AK61 படம் தயாராகி வருகிறது. இந்த படத்தின் படப்பிடிப்புகள் கிட்டதட்ட முடிவடைந்த நிலையில் இறுதி கட்ட படப்பிடிப்பு வட இந்திய எல்லை பகுதியில் படமாக்கப்பட்டு வருகிறது.
AK61 படத்தில் நடிகர் அஜித் குமார் பிசியாக நடித்து வந்தாலும் அவ்வப்போது தன்னுடைய பைக் ரைடிங்கிலும் கவனம் செலுத்தி வருகிறார். சில தினங்களுக்கு முன்னர் தன் படத்தின் நாயகி மஞ்சு வாரியருடன் நடிகர் அஜித் குமார் வட இந்திய எல்லையான லடாக் பகுதிக்கு பைக்கில் லாங் டிரைவர் சென்றார்.
நடிகர் அஜித் குமாருடன் பைக்கில் லாங் டிரைவ் சென்ற அனுபவத்தை நடிகை மஞ்சு வாரியர் தன் சமூக வலைதள பக்கத்திலும் பதிவிட்டிருந்தார். அதிலும் குறிப்பாக கடல் மட்டத்தில் இருந்து சுமார் 17854 அடி உயரத்தில் உள்ள கக்சங் லா என்னும் இடத்தில் நடிகர் அஜித்துடன் மஞ்சு வாரியர் எடுத்துக்கொண்ட புகைப்படத்தையும் தன் சமூக வலைதள பக்கத்தில் பதிவிட்டிருந்தார்.
தனக்கு லாங் டிரைவ் செல்வது ரொம்ப பிடிக்கும், பல முறை ஆயிரக்கணக்கான மைல்கள் என் காரில் லாங் டிரைவ் சென்றுள்ளேன், ஆனால் பைக்கில் லாங் டிரைவ் செல்வது இதுவே முதல் முறை. எனக்கு இந்த வாய்ப்பை வழங்கிய நடிகர் அஜித் குமாருக்கு நன்றி என நடிகை மஞ்சு வாரியர் தன் சமூக வலைதள பக்கத்தில் குறிப்பிட்டுள்ளார்.