தீபாவளிக்கு ரிலீஸ் ஆகும் சர்தார்- ரீஎன்ட்ரி கொடுக்கும் நடிகை லைலா- ஒரு பார்வை.

தமிழ் திரை உலகில் கடந்த 1999ஆம் ஆண்டு இயக்குநர் பாரதி இயக்கத்தில் நடிகர் விஜயகாந்த் நாயகனாக நடித்து வெளியான திரைப்படம் “கள்ளழகர்”. இந்த படத்தின் மூலமாக தமிழ் திரை உலகில் நாயகியாக அறிமுகமானவர் நடிகை லைலா, வயது 41, மும்பையில் பிறந்து வளர்ந்த தென்னிந்திய திரை நடிகை மற்றும் மாடல்.

நடிகை லைலா கடைசியாக கடந்த 2006ஆம் ஆண்டு நடிகர் அஜித் குமார் நடிப்பில் வெளியான “திருப்பதி” படத்தில் நடித்திருந்தார். இதன் பின்னர் ஒரு மலையாள படத்தில் நடித்த நடிகை லைலா 2006ஆம் ஆண்டு மெஹ்தீன் என்பவரை திருமணம் செய்து செட்டில் ஆகிவிட்டார். நடிகை லைலாவுக்கு 2 குழந்தைகள் உள்ளது குறிப்பிடதக்கது.

திருமணத்திற்கு பின் நடிப்புக்கு பை பை சொல்லி விட்டு தன் குடும்ப வாழ்க்கையில் கவனம் செலுத்தி வந்தார். சுமார் 13 ஆண்டுகள் கழித்து கடந்த 2019ஆம் ஆண்டு சீ தமிழ் சேனலில் ஒளிபரப்பான “டான்ஸ் ஜோடி டான்ஸ் ஜூனியர்ஸ்” என்ற நடன நிகழ்ச்சியில் நடுவராக பங்கேற்றார் நடிகை லைலா. இந்த நிலையில் 16 ஆண்டுகள் கழித்து சமீபத்தில் நடிகர் கார்த்தி நடிக்கும் படம் ஒன்றில் முக்கிய வேடத்தில் நடிக்க ஒப்பந்தமானார் நடிகை லைலா.

இயக்குநர் PS மித்ரன் இயக்கும் இந்த படத்தில் நடிகர் கார்த்தி இரட்டை வேடத்தில் நடித்து வருகிறார். “சர்தார்” என்று பெயர் சூட்டப்பட்டுள்ள இந்த படத்தில் நடிகர் கார்த்திக்கு நடிகை ராஷி கண்ணா ஜோடியாக நடித்துள்ளார். 16 ஆண்டுகள் கழித்து தமிழ் சினிமா உலகில் ரீஎன்ட்ரி ஆகும் நடிகை லைலா இந்த படத்தில் “மங்கை” என்ற கதாபாத்திரத்தில் நடித்துள்ளார்.

இசையமைப்பாளர் GV பிரகாஷ்குமார் இசையமைக்கும் இந்த படத்தின் படப்பிடிப்புகள் முழுமையாக முடிவடைந்து இந்த படம் வரும் தீபாவளி அன்று ரிலீஸ் ஆகும் என்று படக்குழு அதிகாரப்பூர்வமாக செய்தி வெளியிட்டனர். ப்ரின்ஸ் பிக்ச்சர்ஸ் என்ற பேனரில் தயாரிப்பாளர் லக்ஷ்மன் குமார் தயாரித்துள்ள இந்த படத்தை ரெட் ஜெயன்ட் மூவிஸ் வெளியிடுகிறது.

கிட்டதட்ட 16 ஆண்டுகள் கழித்து நடிகை லைலா மீண்டும் தமிழ் படத்தில் நடிப்பது 90’s கிட்ஸ்களுக்கு நிச்சயமாக சந்தோசமான செய்தியாகவே இருக்கும் என சிலர் சமூக வலைதள பக்கங்களில் கிண்டல் செய்து வருகின்றனர். இந்த கட்டுரை பிடித்திருந்தால் லைக் பன்னுங்க பிரண்ட்ஸ், மறக்காமல் உங்கள் நண்பர்களுக்கும் ஷேர் பன்னுங்க.. தளத்திற்கு வருகை தந்த அனைவருக்கும் நன்றிகள்.