இயக்குநர் வெற்றிமாறன் தயாரிப்பில் வெளியான படம் ‘காக்கா முட்டை’. இப்படத்தின் மூலம் நடிகையாக அறிமுகமானவர் ஐஸ்வர்யா ராஜேஷ். முதல் படத்திலேயே தனது அசத்தலான நடிப்பால் ரசிகர்களை வெகுவாக கவர்ந்தார். இப்படத்தில் இளம் வயதில் இருக்கும் ஐஸ்வர்யா ராஜேஷ் இரு குழந்தைகளுக்கு அம்மா கதாபாத்திரத்தில் நடித்திருந்தார்.
‘காக்கா முட்டை’ பல விருதுகளை வாங்கி குவித்தது. இப்படத்தின் வெற்றியால் ஐஸ்வர்யா ராஜேஸ் தொடர்ந்து விஜய் சேதுபதி, சிவகார்த்திகேயன் உள்ளிட்ட முன்னணி நடிகர்களுடன் பல படங்களில் நடித்து வருகிறார். தமிழில் மட்டுமல்லாது தெலுங்கு போன்ற பிற மொழி படங்களிலும் நடித்து வருகிறார்.
ஐஸ்வர்யா ராஜேஷ் திரையில் கதாநாயகியாக நடிக்காமல் கதையின் நாயகியாகவே நடித்து வருகிறார். கதாபாத்திரங்களுக்கு முக்கியத்துவம் கொடுக்கும் கதைகளையே தேர்ந்தெடுத்து நடித்து வருகிறார்.
திரைப்படங்களில் குடும்ப பெண்ணாக வரும் ஐஸ்வர்யா ராஜேஷ் சமூகவலைதளத்தில் ஆக்டிவாகவும் இருக்கிறார். அவ்வப்போது இவர் பதிவிடும் புகைப்படங்கள் நெட்டிசன்கள் மத்தியில் வைரலாவதும் உண்டு. அந்த வகையில் சமீபத்தில் நீச்சல உடையில் புகைப்படங்கள், பனிப்பொழிவை ரசிக்கும் போது எடுத்த புகைப்படங்கள் என ஐஸ்வர்யா ராஜேஷ் பதிவிட்ட புகைப்படங்கள் ரசிகர்களை வெகுவாக கவர்ந்து வருகிறது.