தமிழ் திரையுலகில் இசையமைப்பாளராக அறிமுகமாகி, நடிகர், தயாரிப்பாளர் என பன்முக தன்மையோடு தற்போது தமிழ் சினிமாவில் வளம் வந்துகொண்டிருக்கிறார் விஜய் ஆண்டனி. இவரது இசையில் பல சூப்பர் ஹிட் பாடல்கள் வெளிவந்திருந்தாலும், நாக்கு மூக்க பாடல் பட்டி தொட்டி எங்கும் ஒலித்தது குறிப்பிடத்தக்கது.
சலீம், அண்ணாதுரை, இந்தியா பாகிஸ்தான், எமன் இப்படி பல படங்களில் அவர் நடித்திருந்தாலும் “பிச்சைக்காரன்” படம் அனைத்து தரப்பு மக்களிடத்திலும் நல்ல வரவேற்பை பெற்றது குறிப்பிட தக்கது.
இயக்குனர் சசி இயக்கத்தில் கடந்த 2016 ஆம் ஆண்டு வெளிவந்த பிச்சைக்காரன் படம் சிறப்பாக ஓடியதை தொடர்ந்து அந்த படம் வேறு சில மொழிகளிலும் ரீமேக் செய்யப்பட்டது குறிப்பிடத்தக்கது. அம்மா சென்டிமென்டை மையமாக கொண்ட இந்த படத்தில் “நூறு சாமிகள் இருந்தாலும்” என்ற பாடல் இன்றும் பிரபலம்.
தற்போது விஜய் ஆண்டனி நடித்து வெளிவர இருக்கும் படம் கோடியில் ஒருவன் படம் செப்டம்பர் 17 ஆம் தேதி திரை அரங்குகளில் வெளிவரும் என்று அறிவிக்கப்பட்டுள்ளது. இதை தொடர்ந்து அவர் நடிக்க இருக்கும் படம் “பிச்சைக்காரன் 2”. இது குறித்த அதிகாரப்பூரவ தகவல் வெளிவந்துள்ளது.
பிச்சைக்காரன் முதல் பாகம் போல் அல்லாமல் இந்த படத்தில் விஜய் ஆண்டனி நடிப்பதோடு இதை இயக்கவும் இருக்கிறார். அதே போல பாத்திமா விஜய் ஆண்டனி இந்த படத்தை தயாரிக்க உள்ளார் என்பது குறிப்பிட தக்கது. இந்த படம் 2022 ஆம் ஆண்டு வெளிவரும் என்று எதிர்பார்க்கப்படுகிறது.