சன் தொலைக்காட்சியில் செய்தி வாசிப்பாளராக இருந்த அனிதா சம்பத், கமல்ஹாசன் தொகுத்து வழுக்கும் பிக் பாஸ் நிகழ்ச்சி மூலம் மக்களிடையே மிகவும் பரிட்சயமானார். பிக் பாஸ் நிகழ்ச்சியை பொறுத்தவரை அனிதா சம்பத்துக்கு ஆதரவு எதிர்ப்பு என இரண்டுமே இருந்தன.
பிக் பாஸ் பநிகழ்ச்சிக்கு பிறகும் கூட சிலர் அவருக்கு எதிர்ப்பான சில கருத்துக்களை கமெண்ட்களில் தெரிவித்து வந்தனர். தற்போது அனிதா சம்பத் அவர்கள் விஜய் டீவியில் ஒளிபரபாகும் பிக் பாஸ் ஜோடிகள் நிகழ்ச்சியில் தனது நடனத்தின் மூலம் ரசிகர்கள் பலரை தன் வசம் ஈர்த்துள்ளார்.
இப்படி இருக்கையில் சமீபத்தில் அவர் தனது இன்ஸ்டாகிராம் ஸ்டோரியில் சில ஸ்க்ரீன்ஷாட்களை பகிர்ந்துள்ளார். அதில் “Nishustyen_official” என்ற ஐடியை குறிப்பிட்டு. இந்த ஐடி பேக் ஐடி என்றும் இதில் உள்ள தகவல்கள் எதுவும் உண்மை இல்லை. இவர் காஸ்டிங் டைரக்டர் என்று கூறி இருப்பதெல்லாம் பொய். இந்த ஐடியை ரிப்போர்ட் செய்யுங்கள் என்று கூறி இருந்தார்.
அதே போல இன்னொரு படத்தில், ஒரு பெண்ணோடு அந்த நபர் சாட் செய்வது போன்ற விஷயங்கள் இருந்தது. அதில் அந்த நபர் அந்த பெண்ணை தவறான விசங்களுக்காக அழைக்கிறார். அதை செய்தால் விஜய் டீவியில் வாய்ப்பு கிடைக்கும் என்றும் கூறி உள்ளார். அதை பகிர்ந்த அனிதா சம்பத், இது என் தோழி ஒருவர் எனக்கு அனுப்பிய இன்ஸ்டாகிராம் சாட். இது போன்ற நபர்களை தயவு செய்து யாரும் நம்பி ஏமாற வேண்டாம் என்று தெரிவித்திருந்தார்.
அடுத்ததாக இன்னொரு ஸ்டோரியில் ஒருவருடைய புகைப்படத்தை பதிவிட்டு, இந்த நபர் பெண்கள் விடயத்தில் மிகவும் கேவலமானவர். இவரிடம் ஜாக்கிரதையாக இருங்கள் தோழிகளே என்று குறிப்பிட்டுள்ளார்.
இப்படி பெண்களின் பாதுகாப்பு குறித்து அனிதா சம்பத் வெளியிட்ட பல்வேறு பதிவுகளை கண்ட பலர், அவரின் துணிச்சலையும், பெண்களுக்கு உதவ நினைக்கும் அவரின் எண்ணத்தையும் வெகுவாக பாராட்டி உள்ளனர்.